දකුණු පළාතේ ප්‍රමුඛ පාසල් රැසක් සම්බන්ධ කර ගනිමින් දෙවන වරටත් සංවිධානය කරනු ලබන දැවැන්ත හොකී තරගාවලිය සහ සැණකෙළිය නියාගම වෘත්තීය පුහුණු ක්‍රීඩාංගණයේ දී මෙම මස 16 සිට 18 දින දක්වා පැවැත්වීමට කටයුතු යොදා ඇත.
ගාල්ල දිස්ත්‍රික්කයේ ඇල්පිටිය අධ්‍යාපන කලාප බල ප්‍රදේශයට අයත් ගා/නියාගම විජිත මධ්‍ය මහා විද්‍යාලයීය හොකී සංගමය දකුණු පළාතේ ප්‍රමුඛ පාසල් රැසක් සම්බන්ධ කර ගනිමින් මෙම තරඟාවලිය සහ සැණකෙළිය පවත්වනු ලබයි.
දකුණු පළාතේ පාසල් 15 ක් නියෝජනය කරමින් 14 න් පහළ හොකී කණ්ඩායම් 20 ක තරඟකරුවන් 400 ක් පමණ මෙම තරඟාවලිය සදහා සහභාගි වීමට නියමිතය.
මෙම හොකී තරගාවලියේ සමාප්ති උළෙල මෙමස 18 වැනිදා සවස 4.00 ට ඉතා උත්කර්ෂවත් අන්දමින් සම්භාවනීය අමුත්තන් රැසකගේ සහභාගිත්වයෙන් පැවැත්වීමට ද කටයුතු යොදා ඇත.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
