තරගාවලිය පුරාවට කඩුලු 17ක් දවා ගනිමින් ඉහළ දස්කම් දැක්වූ ප්‍රභාත් ජයසූරිය වත්මන් පන්දු යවන්නන් ශ්‍රේණිගත කිරීමේ ස්ථාන හයක් ඉදිරියට පැමිණෙමින් 13 වැනි ස්ථානයට පැමිණීමට සමත්ව තිබෙනවා.

තරගාවලියට පෙර 32 වැනි ස්ථානයේ රැඳී සිටි රමේෂ් මෙන්ඩිස් තරගාවලියේ දවා ගත් කඩුලු 11 සමඟ නවතම ශ්‍රේණිගත කිරීමේ 22 වැනි ස්ථානය දක්වා ස්ථාන 10ක් පෙරමුණට පැමිණ තිබෙනවා.

අවසන් තරගයේ දී වේගවත් ශතයක් රැස් කළ ඇන්ජලෝ මැතිව්ස් සහ සිය ක්‍රිකට් දිවියේ හොඳම ඉනිම ක්‍රීඩා කරමින් ලකුණු 245ක් රැස් කළ කුසල් මෙන්ඩිස් නවතම ශ්‍රේණිගත කිරීමට අනුව පිළිවෙළින් 22 වැනි සහ 39 වැනි ස්ථානවල රැඳී සිටිනවා.