ජාතික සංචිතය හා යුද්ධ හමුදා මලල ක්‍රීඩා සංචිතය නියෝජනය කරනු ලබන, ශ්‍රී ලංකා විදුලි හා යාන්ත්‍රික ඉංජිනේරු රෙජිමේන්තුවට අයත් ලාන්ස් කෝප්‍රල් යුපුන් අබේකෝන් පසුගියදා ජර්මනියේ පැවති මලල ක්‍රීඩා තරඟාවලියට සහභාගී වී මීටර් 100 ඉසව්වේ ප්‍රථම ස්ථානය ලබා ගැනීමට සමත් විය.
ඔහු විසින් දක්වන ලද දක්ෂතාවය තත්: 10.16 ක් වන අතර එය නව ශ්‍රී ලංකා වාර්තාවක් සහ නව දකුණු ආසියානු තරඟ වාර්තාවක් වේ. එමෙන්ම, 2021 මැයි මස 13 වන දින ඉතාලියේ සැවෝනා හි පැවති මලල ක්‍රීඩා තරඟාවලියේ මීටර් 100 ඉසව්ව සඳහා සහභාගී වී තත්: 10:15 ක දක්ෂතාවයක් දක්වා එයින්ද ප්‍රථම ස්ථානය ලබා ගෙන නැවත නව ශ්‍රී ලංකා වාර්තාවක් සහ දකුණු ආසියානු වාර්තාවක් පිහිටුවීමට සමත් විය. ඔහු මේ වන විට දිවයිනෙන් බැහරව ඉතාලියේ මලල ක්‍රීඩා විශේෂ පුහුණුවීම කටයුතු සිදු කරනු ලබයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
