මෙම FA පුහුණු බලපත්‍ර පාඨමාලාව සැප්තැම්බර් 13 සිට 28 දක්වා පැවැත්වේ. මේනකා මහත්මිය සැප්තැම්බර් 12 ලන්ඩන් බලා යාමට නියමිත අතර සැප්තැම්බර් 28 දක්වා පාඨමාලාව පැවැත්වේ. ඇයගේ සම්පූර්ණ පාඨමාලා ගාස්තුව එංගලන්ත පාපන්දු සංගමය මඟින් ගෙවනු ලැබේ.

ආසියානු පාපන්දු ඒකාබද්ධ සංගමය මඟින් මෙම ලොව පිළිගත් පාඨමාලාව සඳහා නම් කර තෝරාගත් ශ්‍රී ලංකාවේ පළමු කාන්තා පාපන්දු පුහුණුකාරිය මේනකා වේ. ඇය මේ වන විටත් AFC C  බලපත්‍ර පුහුණු සහතිකය (AFC C license coaching certificate) ලබා ගැනීමට කටයුතු කරන අතර ෆිෆා පන්දු රැකීමේ පාඨමාලාව (FIFA Goal Keeping Course) හදාරමින් සිටී.

මේනකා ශ්‍රී ලංකා 16න් පහළ කාන්තා පුහුණුකාරිය වන අතර දකුණු ආසියා පාපන්දු සම්මේලනයට සහභාගී වූ කාන්තා ජාතික පාපන්දු කණ්ඩායමේ සහකාර පුහුණුකාරිය ද වේ. ඇය බදුල්ල ප්‍රදේශයේ පාසලකින් බිහි වී මේ වන විට අධ්‍යාපන අමාත්‍යංශයේ ඌව පළාත් ශාරිරීක අධ්‍යාපන ගුරුවරියක් ලෙස සේවයේ නියුතු වේ.

SDF