ඇන්ජලෝ මැතිව්ස්ගේ නායකත්වයෙන් යුතු කලම්බු කිංග්ස් සහ කුසල් පෙරේරාගේ නායකත්වයෙන් යුතු කැන්ඩි ටස්කර්ස් අතර තරගය තරඟාවලියේ පලමු තරඟය ලෙස මේ වන විට පැවැත්වෙමින් තිබේ.
වසර ගණනාවක් තිස්සේ පැවැත්වීමට සැලසුම් කළද එහෙත් දිගින් දිගටම කල් දැමීමට සිදුවුණු ලොව අංක 1 ලීග් ක්‍රිකට් තරගාවලි අතරට එක් වන “My11Circle ලංකා ප්‍රිමියර් ලීග්” පන්දුවාර විස්සයි-20 ලීග් ක්‍රිකට් තරගාවලිය මුළු ලෝකයම ව්‍යසනයකට පත්ව තිබෙන අවස්ථාවක යථාර්ථයක් බවට පත්වීම ද සැබැවින්ම සිහිනයක් සැබෑවීමකි.
තරගාවලියක් සංවිධානය කිරීමේදී පැන නැගෙන සාමාන්‍ය ගැටලුවලට පරිබාහිරව වූ ගැටළු හෙවත් කොරෝනා වසංගත තත්ත්වය මුළු ලෝකයටම බලපෑමක් ඇති කර තිබෙන අවස්ථාවක ඒ සියල්ලෙන්ම සුරක්ෂිත වූ තරගාවලියක් පැවැත්වීම මෙරට ක්‍රිකට් ඉතිහාසයේ නව පිටුවක් පෙරළන්නකි.
