ඊට අමතරව තවත් 28 දෙනෙකුගේ මළ සිරුරුවල කොටස් හඳුනාගෙන ඇත. යානයේ ගමන් කළ තවත් 51 දෙනෙකුගේ සිරුරු ගැන තොරතුරු අනාවරණය වී නැත. යානය අනතුරට ලක්වන විට එහි 298 දෙනෙක් ගමන් කරමින් සිටියහ.


නැඟෙනහිර යුක්රේනයේ යානය කඩා වැටුණු ප්‍රදේශයට යු‍රෝපයේ නිරීක්ෂණ කණ්ඩායමට පැමිණීමට යුක්රේන් බෙදුම්වාදීන් අවසර ලබා දී ඇතැයි ද වාර්තා වේ.


දැනට සොයා ගෙන ඇති මළසිරුරු යානය කඩා වැටී ඇති ප්‍රදේශයට නුදුරින් පිහිටි ටොරේස් (Torez) නුවර අධි ශීතකරණ සහිත දුම්රිය මැදිරි තුනක තැන්පත් කර ඇති බව ද වාර්තා වේ. යුක්රේන රජයේ පාලනයට අයත් කාර්කිව් (Kharkiv) නගරයට මේ මළ සිරුරු ප්‍රවාහනය කිරීමට බොහෝදුරට ඉඩ තිබේ.


බටහිර රටවල් මෙම අනතුර පාදක කර ගනිමින් රුසියාවට එරෙහිව ප්‍රචාරක යුද්ධයක් ආරම්භ කර ඇතැයි රුසියානු බලධාරීන් චෝදනා එල්ල කර තිබේ.


HC