ඇමරිකා එක්සත් ජනපදයේ ශ්‍රී ලංකා තානාපතිවරයා ලෙස ප්‍රසාද් කාරියවසම් මහතා පසුගිය සඳුදා සිය රාජකාරි ආරම්භ කරන ලද අතර ජූලි 15 වැනි දා කාරියවසම් මහතා වයිට් හවුස්හි ඕවල් කාර්යාලයේදී ජනාධිපති බැරක් ඔබාමා මහතා මුණ ගැසී සිය අක්තපත්‍ර භාරදීමට නියමිතය.
කාරියවසම් මහතා ඉන්දියාවේ ශ්‍රී ලංකා මහ කොමසාරිස්වරයා ලෙසත් භූතානයේ හා ඇෆ්ගනිස්ථානයේ තානාපති ලෙසත් ඊට පෙර කටයුතු කළේය.
1954 වර්ෂයේ උපත ලද කාරියවසම් මහතා 1981 වන විට ශ්‍රී ලංකා විදේශ සේවයට එක් විය. 2001 දී ඉන්දියාවේ ශ්‍රී ලංකා නියෝජ්‍ය මහ කොමසාරිස් ලෙස කටයුතු කර තිබේ. 2001 – 2004 වර්ෂයන් සඳහා ජිනීවාහි එක්සත් ජාතීන්ගේ ශ්‍රී ලංකා නිත්‍ය නියෝජිත ලෙසද, ජී-15 වෙනුවෙන් ශ්‍රී ලංකාවේ නියෝජිතවරයා ලෙස ද ස්විට්සර්ලන්තයේ ශ්‍රී ලංකා කොන්සල් ජෙනරාල්වරයා හා වතිකානුවේ ශ්‍රී ලංකා තානාපතිවරයා ලෙසද සේවය කර තිබේ.
HC
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
