ශ්‍රී ලංකාවේ ප්‍රථම වරට ක්‍රීඩා අමාත්‍ය නීතීඥ දයාසිරි ජයසේකර මහතාගේ ප්‍රධානත්වයෙන් සහ සියළුම පළාත් ක්‍රීඩා අමාත්‍යවරුන්ගේ සහභාගිත්වයෙන් පැවැත්වෙන පළාත් ක්‍රීඩා සමුළුව 06 වෙනි සෙනසුරාදා දින උඩවලව තණමල්විල පාරෙහි ග්රෑන්ඩ් උඩවලව හෝටලයේදී පැවැත්වීමට කටයුතු යොදා ඇත.
එදින පෙරවරු 5.00ට ක්‍රීඩා අමාත්‍යවරයා ඇතුළු නිලධාරීන් ශරීර සුවතා වල යෙදීමෙන් අනතුරුව පෙරවරු 8. 00ට අමාත්‍යවරයාගේ මුලසුනින් සමුළුව ආරම්භ වේ.
මෙහිදී පළාත් ක්‍රීඩා සමුළුවේ සභාපති ප්‍රමුඛ නිලධාරීන් පත්කරගැනීම, සමුළුවේ අදහස ක්‍රීඩා අමාත්‍යවරයා විසින් පැහැදිලි කිරීම සහ පළාත් අමාත්‍යවරුන්ගේ යෝජනා හා අදහස් විමසීම සිදු කිරීමට ද නියමිතය.
SDF
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
