මෙම පාසල් දැරියන් නිදහස් කර ගැනීමට සාකච්ඡා පැවැත්වීම සඳහා ‘බොකෝ හරාම්’ නියෝජිතයන් පිරිසක් එවන ලෙස නයිජීරියා රජය එම කැරලිකරුවන්ගෙන් ඉල්ලීමක් ද කර ඇත. මෙම දැරියන් පැහැර ගෙන දැනට මාසයක පමණ කාලයක් ගත වී තිබේ.
මේ සිද්ධියෙන් කම්පනයට පත් ව සිටින බෝර්නෝ හි කලබල්ගේ දිස්ත්‍රික්කයේ මහජනතාව ‘බොකෝ හරාම්’ සන්නද්ධ කණ්ඩායමට එරෙහිව ප්‍රහාරයක් සිදු කර එහි සාමාජිකයන් 200ක් පමණ ඝාතනය කර ඇතැයි ද ඇතැම් වාර්තාවලින් පැවසේ.
නයිජීරියාවේ ඊශාන දිග කලාපයේ හදිසි තත්ත්වයක් මීට වසරකට පමණ පෙර සිට ප්‍රකාශයට පත්කර ඇති අතර හදිසි නීතිය දීර්ඝ කිරීම සම්බන්ධයෙන් නයිජීරියානු පාර්ලිමේන්තුවේ විවාදයක් පැවැත්වෙන බව ද බෝර්නෝ, යෝබේ සහ අදමවා ප්‍රාන්තයන්හි හදිසිනීතිය දිර්ඝකරන ලෙස ජනාධිපති ජොනතන් ගුඩ්ලක් මහතා ඉල්ලා ඇතැයි ද වාර්තා වේ.
HC
