ඒ අනුව සෞඛ්‍ය හා දේශීය වෛද්‍ය අමාත්‍ය වෛද්‍ය රාජිත සේනාරත්න මහතාගේ ප‍්‍රධානත්වයෙන් පසුගියදා නාරාහේන්පිට ජාතික රුධිර මධ්‍යස්ථානයේ දී වකුගඩු රෝගීන්ගේ රුධිර පරීක්ෂණ කටයුතු සිදුකිරීමට අවශ්‍ය රුධිර කාන්දුපෙරණ යන්ත‍්‍ර 70ක් සහ වෑන් රථ 09ක් ලබාදීම සිදුවිය.
මධ්‍යම පළාත, නැගෙනහිර පළාත, උතුරු පළාත, ඌව පළාත, වයඹ පළාත සහ දකුණු පළාත ආවරණය වන පරිදි සෞඛ්‍ය ආයතන වෙත ලබාදෙන ලද මෙම රුධිර කාන්දුපෙරණ එක් යන්ත‍්‍රයක මිල රුපියල් ලක්ෂ 15ක් පමණ වේ. එමෙන්ම වකුගඩු රෝගීන් සහ සෞඛ්‍ය කාර්යමණ්ඩලය ප‍්‍රවාහනය, වකුගඩු රෝගය පිළිබඳ ජනතාව දැනුවත් කිරීමේ වැඩසටහන් ක‍්‍රියාත්මක කිරීම ඇතුළු අනෙකුත් වකුගඩු රෝගී ප‍්‍රතිකාර අංශයන් හි ප‍්‍රවාහන කටයුතු සඳහා ලබාදෙන ලද වෑන් රථ 09 මධ්‍යම පළාතට 01ක්, නැගෙනහිර පළාතට 02ක්, උතුරු පළාතට 02ක්, ඌව පළාතට 02ක්, වයඹ පළාතට 01ක්, දකුණ පළාතට 01ක් බැගින් ලබාන් අතර මේ එක් වෑන් රථයක වටිනාකම රුපියල් ලක්ෂ 80කි.
මෙම උපකරණ ලබාදීමේ අවස්ථාවට සෞඛ්‍ය හා දේශීය වෛද්‍ය රාජ්‍ය අමාත්‍ය එම්.ඒ. හසන් අලී , දකුණු පළාත් ප‍්‍රධාන අමාත්‍ය ශාන් විජයලාල් ද සිල්වා, සෞඛ්‍ය අමාත්‍යාංශයේ ලේකම් ආචාර්ය ඩී.එම්.ආර්.බී. දිසානායක, සෞඛ්‍ය සේවා අධ්‍යක්ෂ ජනරාල් වෛද්‍ය පාලිත මහීපාල, සෞඛ්‍ය අමාත්‍යතුමාගේ පෞද්ගලික ලේකම් ආචාර්ය සුජාතා සේනාරත්න යන මහත්ම මහත්මීහු ඒකව සිටියහ.
NDH
