සෞඛ්‍ය අමාත්‍යවරයා වසර 15ක් පුරා රජයේ දන්ත වෛද්‍ය සංගමයේ ප‍්‍රධාන ලේකම් ධූරය දැරීමත් එතුමා දන්ත වෛද්‍ය වෘත්තියට ගෙන එන ලද අභිමානයත් අගයමින් මේ උපහාර උ‍ළෙල පැවැත්විණි.
සෞඛ්‍ය අමාත්‍යාංශයේ නියෝජ්‍ය අධ්‍යක්ෂ ජනරාල් (දන්ත වෛද්‍ය සේවා) වෛද්‍ය ජයසුන්දර බණ්ඩාර මහතා විසින් සෞඛ්‍ය අමාත්‍යවරයා වෙත මේ අවස්ථාවේදී අභිනන්දන ඵලකයක් පිරිමන ලදී.
මෙම අවස්ථාවට සෞඛ්‍ය අමාත්‍යාංශයේ ලේකම් ආචාර්ය ඩී.එම්.ආර්.බී. දිසානායක, රජයේ දන්ත වෛද්‍ය සංගමයේ සභාපති විශේෂඥ වෛද්‍ය ගාමිණී නවරත්න, උප සභාපති දන්ත විශේෂඥ වෛද්‍ය සරත් සේනාරත්න, දන්ත වෛද්‍ය විශේෂඥ වෛද්‍ය දිලීප් ද සිල්වා, දන්ත වෛද්‍ය විශේෂඥ වෛද්‍ය ආනන්ද රත්නායක, අමාත්‍යතුමාගේ පෞද්ගලික ලේකම් ආචාර්ය සුජාතා සේනාරත්න යන මහත්ම මහත්මීහු ඇතුළු විශාල පිරිසක් එක්ව සිටියහ.
