උතුරේ සිදු වූ යැයි සැලකෙන ඝාතන සම්බන්ධයෙන් පරීක්ෂණයක් පවත්වන බවට ජාත්‍යන්තරයට රජය ප‍්‍රකාශ කර ඇත. ජාත්‍යන්තරය ද ඊට එකඟ වී ඇතැයි අමාත්‍යවරයා මාධ්‍ය වෙත පවසා තිබේ.
ජන සංහාරයක් සිදු වූ බවට ප‍්‍රකාශ කළ හැක්කේ සිතාමතා සිදු කළ ජීවිත විනාශයන් සම්බන්ධයෙන් පමණි. යුද්ධයේදී එල්.ටී.ටී.ඊ සංවිධානය සාමාන්‍ය ජනතාව මිනිස් පළිහක් වශයෙන් යොදාගත්තේය. ජාත්‍යන්තර වශයෙන් පිළිගත හැකි පරීක්ෂණයක් පැවැත්වීමට එකඟවිය හැකිය. එහෙත් ජන සංහාරයක් සිදු වූ බව පිළිගත නොහැකි යැයි රාජිත සේනාරත්න මහතා සදහන් කළේය.
අමාත්‍යවරයා මේ බව සඳහන් කළේ උතුරේ ජන සංහාරයක් සිදු වී ඇති හෙයින් ඒ සම්බන්ධව ජාත්‍යන්තර පරීක්ෂණයක් පැවැත්විය යුතු බවට උතුරු පළාත් සභාවේ යෝජනාවක් සම්මත කිරීම සම්බන්ධයෙන් අදහස් දක්වමිනි.
උතුරු පළාත් සභාවට එහි ප‍්‍රධාන අමාත්‍ය සී.වී. විග්නේෂ්වරම් මහතා ඉදිරිපත් කළ මෙම යෝජනාව දෙමළ ජාතික සංවිධානයේ මන්තී‍්‍රවරුන් සියලු දෙනා ඒකමතිකව සම්මත කොට තිබේ. ඒ අනුව අදාළ යෝජනාව ඇතුළත් සංදේශයක් ජිනීවා මානව හිමිකම් කොමිෂන් සභාවට යැවීමට ද එහිදී තීරණය කොට තිබේ.
NDH/priu
