බන්ධනාගාර දෙපාර්තමේන්තුවට බඳවා ගන්නා ලද ආධුනික නියාමන නිලධාරීන් 205 දෙනෙකු පුහුණු පාඨමාලාව සාර්ථකව අවසන් කිරීමෙන් පසු විසිර යාමේ පෙළපාළිය අධිකරණ හා කම්කරු සබඳතා අමාත්‍ය විජයදාස රාජපක්ෂ මහතාගේ ප්‍රධානත්වයෙන් ඊයේ (06) පස්වරුවේ බන්ධනාගාර ක්‍රීඩ පිටියේ දී සිදු කෙරිණි.
ඒ අනුව ආධුනික නියාමන නිලධාරීන් 178 දෙනෙකු සහ කාන්තා නියාමක නිලධාරීනියන් 27 දෙනෙකු මෙසේ විසිර ගියහ. මෙම පුහුණු පාඨමාලාව බන්ධනාගාර අධිකාරී (පුහුණු) චන්දන ඒකනායක මහතා විසින් මෙහෙයවන ලදී.
මෙම අවස්ථාව සඳහා අධිකරණ හා කම්කරු සබඳතා අමාත්‍යාංශයේ ලේකම් කමනී ද සිල්වා මහත්මිය, බන්ධනාගාර කොමසාරිස් ජනරාල් චන්ද්‍රරත්න පල්ලේගම මහතා ඇතුළු අමාත්‍යාංශ නිලධාරීහු සහ බන්ධනාගාර නිලධාරීහු සහභාගී වූහ.
NDH
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
