මාලිගාකන්ද ජල තටාකයට ජල සැපයෙන ප්‍රධාන සම්ප්‍රේෂණ නළයක හදිසි අලුත්වැඩියා කටයුත්තක් හේතුවෙන් අද (07) පෙ.ව 9.00 සිට හෙට (08) පස්වරු 3.00 දක්වා පැය 30ක කාලයක් කොළඹ ප්‍රදේශ කිහිපයකට ජලය සැපයීම අත්හිටුවීමට සිදුවන බව ජලසම්පාදන හා ජලාපවහන මණ්ඩලය පවසයි.
ඒ අනුව කොළඹ 01, කොළඹ 02, කොළඹ 03, කොළඹ 07, කොළඹ 08, කොළඹ 09, කොළඹ 10, කොළඹ 11, කොළඹ 12, කොළඹ 13 සහ කොළඹ 14 යන ප්‍රදේශවලට ජලය සැපයීම අත්හිටුවීමට නියමිතය.
මීට අමතරව කොළඹ 04, කොළඹ 05 හා කොළඹ 06 යන ප්‍රදේශවලට අඩු පීඩනයක් යටතේ ජලය සැපයෙනු ඇත.
ජල සැපයුම අත්හිටුවීමේදී සිදු වන අපහසුතා මගහරවා ගැනීම සඳහා කල්වේලා ඇතුව අවශ්‍ය ජලය රැස් කර තබා ගන්නා ලෙස ජලසම්පාදන හා ජලාපවහන මණ්ඩලය ජල පාරිභෝගිකයන්ගෙන් ඉල්ලා සිටී.
NDH
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
