නව අධ්‍යාපන අමාත්‍ය අකිල විරාජ් කාරියවසම් මහතා සහභාගී වූ දෙවැනි මහජන දිනය අද පැවැත්වුණු අතර, එහිදී අමාත්‍යවරයා මේ අදහස් දැක්වීය. අධ්‍යාපන ක්ෂේත‍්‍රය තුළ පසුගිය වසර ගණනාවක් තිස්සේ නොවිසඳුණු බොහෝ ගැටලු විසඳාගැනීම සඳහා නව අමාත්‍යවරයා හමුවීමට දිවයිනේ නොයෙක් ප‍්‍රදේශවලින් ජනතාව පැමිණ සිටියහ.
දැනට ක‍්‍රියාත්මක වන ද්විතීයික පාසල් සම්බන්ධයෙන් ද විශාල ගැටලු පවතින බවත්, මේ නිසා වසා දමන්නට සිදුවූ පාසල් සහ පරිපාලනය අක‍්‍රමවත් වූ පාසල් සම්බන්ධයෙන් ඉදිරියේදී සොයාබලා අවශ්‍ය ප‍්‍රතිව්‍යූහගත කිරීම් සිදුකරන බවත් මෙහිදී අමාත්‍යවරයා වැඩිදුරටත් කියා සිටියේ ය.
මහජන දිනයේ අමාත්‍යවරයා හමුවීමට පැමිණ සිටි ජනතාව අතර, තම දරුවන් පාසල්වලට ඇතුළත් කිරීමේ ගැටලු විසඳාගැනීමට පැමිණි දෙමව්පියන් ද, තම ස්ථාන මාරු, වැටුප් විෂමතා, උසස්වීම් ආදිය විධිමත්ව සිදු නොවීම හා දේශපාලන අසාධාරණවලට ලක් වූ ගුරුවරුන් ඇතුළු අනෙකුත් පාර්ශවයන් රැසක් ද වූහ.
SDF
