කිලිනොච්චි ආරක්ෂක සේනා මූලස්ථානයෙ හි 65 වන සේනාංකයේ 651 බලසේනාව යටතේ සිටින 11 වන ගජබා රෙජිමේන්තු සෙබළුන් විසින් මුලන්කාවලි ප්‍රදේශයේ සිවනදා මූර්ති ජයනන්දන මහත්මිය ඇතුළු පවුල වෙත රුපියල් 12,000ක් වටිනා කුකුළු පැටව් සහ කුකුළු කූඩුවක් පසුගියදා ලබා දෙන ලදී.
දරුවන් 08 දෙනෙකුගේ මවක් වන එම මහත්මිය, වැන්දඹු කාන්තාවක් වන අතර, එම පවුලේ ආර්ථික තත්ත්වය ඉහළ නැංවීමට ස්වයංරැකියාවකට අතහිතදීමක් ලෙස මෙම සත්කාරය ක්‍රියාවට නැංවිණි.
මේ සඳහා කිලිනොච්චි ආරක්ෂක සේනා මූලස්ථාන ආඥාපති මේජර් ජෙනරාල් සුදන්ත රණසිංහ මහතාගේ අධීක්ෂණය යටතේ 651 බලසේනාවේ 11 වන ගජබා රෙජිමේන්තුවෙ හි නිලධාරීන් මෙන්ම සෙසු නිලයන් ද දායක වී ඇත.
NDH/army.lk
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
