එහිදී වැඩිදුරටත් අදහස් දැක්වූ දිස්ත්‍රික් තේරීම්භාර නිලධාරීවරයා, සෑම රජයේ නිලධාරියෙකුට ම රටේ පුරවැසියෙක් සහ ඡන්ද දායකයෙක් ලෙස තම අභිමතය ප්‍රකාශ කිරීමේ අයිතිය ඇති බවත් එයට කිසිදු බාධාවක් නැති බවත් මැතිවරණ රාජකාරීවල නියැලීමේදී තම දේශපාලන මතය ප්‍රකාශ කරමින් ක්‍රියාකාරී දේශපාලන කටයුතුවල නියැලීම සදාචාර නොවන ක්‍රියාවක් බවත් පැවසීය.
එබැවින් මැතිවරණ රාජකාරී කටයුතුවල නියැලෙන සෑම රජයේ නිලධාරියෙකුගේම වගකීම වන්නේ තම දේශපාලන මතය පළ කිරීමට යෑම නොව රටේ මහජනතාවගේ මතය ස්වාධීනව ප්‍රකාශ කිරීමට අවශ්‍ය වටපිටාව සකස් කරදීමට සහය වීම බව ප්‍රකාශ කළ දිස්ත්‍රික් තේරීම්භාර නිලධාරීවරයා ඒ සඳහා මැතිවරණ රාජකාරී සේවය කරන මහනුවර දිස්ත්‍රික්කයේ සෑම රජයේ නිලධාරියෙක්ම නිවැරදිව කටයුතු කරනු ඇති බව තමා විශ්වාස කරන බව ද පැවසීය.
මහනුවර දිස්ත්‍රික් ලේකම් කාර්යාලයීය ශ්‍රවණාගාරයේ පසුගියදා පැවති මෙම පුහුණු සැසිය සඳහා මහනුවර දිස්ත්‍රික් මැතිවරණ කාර්යාලයේ නිලධාරීහු රැසක් සහ මැතිවරණ රාජකාරීවල නියැලෙන නිලධාරීහු රැසක් ද සහභාගී වූහ.
MAP/TA_dmu_Kandy
