නව වසරට සෙත් ප්‍රාර්ථනය කරමින් අනුරාධපුර දිස්ත්‍රික් ලේකම් කාර්යාලය මගින් වාර්ෂිකව පවත්වනු ලබන සර්ව රාත්‍රික පරිත්‍රාණ ධර්මදේශනය හෙට (30) අනුරාධපුර දිස්ත්‍රික් ලේකම් කාර්යාල පරිශ්‍රයේදි පැවැත්වීමට කටයුතු යොදා ඇත.
අනුරාධපුර දිස්ත්‍රික් ලේකම් මහින්ද සෙනවිරත්න මහතාගේ සංකල්පයක් අනුව පවත්වන මෙම පිරිත් සජ්ඣායනය උතුරු මධ්‍යම දෙදිසාවේ ප්‍රධාන සංඝනායක, අටමස්ථානාධිපති, ආචාර්ය පූජ්‍ය පල්ලේගම සිරිනිවාස නා හිමිපාණන් වහන්සේගේ උපදෙස් පරිදි සිදුකිරීමට නියමිතය.
හෙට රැය පහන් වන තුරු පිරිත් සජ්ඣායනය පවත්වා පසු දින උදෑසන සංඝගත දක්ෂිණාවක් ද පිරිනැමේ.
SB/dmu_anuradhapura
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
