පොලොන්නරුව පරාක්‍රම සමුද්‍රයේ ජල මට්ටම අද උදෑසන වන විට අක්කර අඩි 110,000 ඉක්මවා යාමෙන් පසු ජලාශයේ වාන් දොරටු දහය අඟල් 6 බැගින් ඉහළට ඔසවා අතිරේක ජලය පිටතට මුදා හැරීමට පියවර ගත් බව පොලොන්නරුව කලාප වාරිමාර්ග අධ්‍යක්ෂක ආර්.එම්.පී. කරුණාරත්න මහතා රජයේ නිල පුවත් වෙබ් අඩවියට පැවසීය.
පරාක්‍රම සමුද්‍රය වාරි ඉංජිනේරු රොෂාන් ජයසිංහ මහතා ප්‍රකාශ කළේ ජලාශයෙන් මේ වන විට තත්පරයට ඝන අඩි 750ක ජල ප්‍රමාණයක් පිටතට මුදා හැරෙන බවයි.
මේ වන විට දිස්ත්‍රික්කයට ඇද හැළෙන අධික වර්ෂාවත් සමග දිස්ත්‍රික්කයේ වැව් රාශියක ජල මට්ටම් ඉහළ යමින් පවතී. කෙසේ වෙතත් මේ වන විටද කිසිදු ආපදා තත්ත්වයක් වාර්තා නොවන බව දිස්ත්‍රික් ආපදා කළමනාකරණ සහකාර අධ්‍යක්ෂ උපුල් නානායක්කාර මහතා පැවසූ බව පොලොන්නරුව දිස්ත්‍රික් අප මාධ්‍ය ඒකකය පවසයි.
MAP/WK_dmu_polonnaruwa
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
