රාජ්‍ය නොවන සංවිධාන සිදු කරනු ලබන සංවර්ධන කටයුතු නුවරඑළිය දිස්ත්‍රික් ලේකම් කාර්යාලයේ අධීක්ෂණයෙන් වතුකරයේ ප්‍රජාව වෙත විධිමත්ව සිදු වේ. එහි ප්‍රතිඵලයක් ලෙස වර්ල්ඩ් විෂන් ආයතනය විසින් සිදු කරන ලද ග්‍රාමීය සංවර්ධන ව්‍යාපෘති කිහිපයක් මෙදින නිරීක්ෂණයට ලක් විය.
පතන, බෝගහවත්ත ග්‍රාමීය ප්‍රදේශ මුල් කොටගෙන වර්ල්ඩ් විෂන් ආයතනය විසින් ඉදි කෙරුණු නවීන පහසුකම්වලින් සපිරුණු පෙරපාසල මෙහි දී ප්‍රමුඛ වේ. නවීන පෙරපාසල් උපකරණ, පන්ති කාමර, සනීපාරක්ෂක පහසුකම් සහ ප්‍රථමාධාර පහසුකම්වලින් එම පෙරපාසල සමන්විතය.
වර්ල්ඩ් විෂන් ආයතනය මගින් ගාමීය ප්‍රජාව වෙත ඉදි කොට ඇති අංග සම්පුර්ණ වැසිකිළි සහ වතුකරයේ දරුවන්ට අධ්‍යාපන කටයුතු සිදු කිරීම සඳහා ඉදි කොට අධ්‍යාපනික මධ්‍යස්ථානයද මෙහිදී අතිරේක දිස්ත්‍රික් ලේකම්තුමියගේ නිරීක්ෂණයට ලක්විය.
එමෙන්ම එම රාජ්‍ය නොවන ආයතනය විසින් වතුකරයේ ප්‍රජාව වෙනුවෙන් ක්‍රියාත්මක කරනු ලබන පශු සම්පත් වැඩසටහන්, පෝෂණ වැඩසටහන්, අපද්‍රව්‍ය කළමනාකරණ වැඩසටහන් සහ තාවකාලික නිවාස වැඩසටහන්ද මෙහිදී ඇගයීමට ලක් විය.
මේ වැඩසටහන නුවරඑළිය දිස්ත්‍රික් රාජ්‍ය නොවන ආයතන සම්බන්ධීකරණ අංශයේ දායකත්වයෙන් පැවැත්විණි.
MAP/SH_dmu_nuwaraeliya
