එදා ඇහැලේපොළගේ භූමිකාව අද මෛත්‍රීපාල සිරිසේනත්, එදා පිළිමතලව්වේගේ භූමිකාව අද පාඨලී චම්පිකත්, එදා ජෝන් ඩොයිලිගේ භූමිකාව අද ශ්‍රී ලංකාවේ ඇමරිකානු තානාපතිනියත් රඟ දක්වමින් සිටින බවත් අමාත්‍යවරයා මෙහිදී වැඩිදුරටත් පැවසීය.
අමාත්‍යවරයා මේ අදහස් පළ කළේ අවිස්සාවේල්ල සීතාවක අඩු පහසුකම් ජනාවාසවල ජීවත් වන ජනතාව වෙනුවෙන් ඉදිකෙරෙන නිවාස 45කින් සමන්විත සීතාවක නාගරික නිවාස ව්‍යාපෘතියේ ඉදිකිරීම් ආරම්භ කිරීමේ අවස්ථාවට ප්‍රධාන ආරාධිතයා වශයෙන් සහභාගී වෙමිනි.
එම උත්සවය ඊයේ (09) අවිස්සාවේල්ලේ දී පැවැත්විණ.
මෙම අවස්ථාවට සිවිල් ගුවන් සේවා නියෝජ්‍ය අමාත්‍ය ගීතාංජන ගුණවර්ධන, ශ්‍රී ලංකා නිදහස් පක්ෂයේ අවිස්සාවේල්ල ආසනයේ ප්‍රධාන සංවිධායක සුමිත් විජයමුණි ද සොයිසා, ඉදිකිරීම්, ඉංජිනේරු සේවා, නිවාස හා පොදු පහසුකම් අමාත්‍යංශයේ ලේකම් පී.එච්.එල්. විමලසිරි පෙරේරා, එහි අතිරේක ලේකම් (නිවාස) කේ. ඒ. තිලකරත්න, නාගරික ජනාවාස සංවර්ධන අධිකාරියේ අධ්‍යක්ෂ වෛද්‍ය සුමිත් වන්නිආරච්චි, ප්‍රාදේශීය දේශපාලන නියෝජිතයෝ, ප්‍රදේශවාසීහු ඇතුළු විශාල පිරිසක් සහභාගි වූහ.
DB
