මෙහිදී අදහස් දැක්වූ විශේෂ ව්‍යාපෘති අමාත්‍ය එස්.එම්. චන්ද්‍රසේන මහතා, ජනාධිපතිතුමාගේ උපදෙස් හා මගපෙන්වීම යටතේ මධ්‍යම රජය හා උතුරු මැද පළාත් සභාව ඒකාබද්ධව නියඟයෙන් පීඩා විඳින ජනතාවට පානීය ජල පහසුකම් සලසා දීමේ දැවන්ත වැඩපිළිවෙළක් අරඹා තිබේ. එහි එක් වැඩ පිළිවෙළක් වන්නේ බවුසර් මඟින් පානීය ජලය ලබා දීමයි. ඒ සඳහා උතුරු මැද පළාත් සභා බල ප‍්‍රදේශයේ පළාත් පාලන ආයතන සඳහා ජල බවුසර් බෙදා දෙමින් සිටී. ගම්මානයන්හි ජලය රඳවා තැබීම සඳහා උසස් වර්ගයේ ජල ටැංකි ද ලබා දෙමින් සිටින බව ඔහු කීය.