ඒ මහතා මේ බව ප්‍රකාශ කළේ අද (20) රාජ්‍ය ආරක්ෂක හා නාගරික සංවර්ධන අමාත්‍යංශයේ මාධ්‍ය කේන්ද්‍රයේ පැවැති ප්‍රවෘත්ති සාකච්ඡාවකට එක්වෙමිනි.
ඒ අනුව මේ වන විට මොනරාගල දිස්ත්‍රික්කය ආවරණය වන පරිදි ජංගම සේවා තුනක් ක්‍රියාත්මක කොට ඇත. එමෙන් ම බදුල්ල දිස්ත්‍රික්කයේ ප්‍රාදේශීය ලේකම් කාර්යාලය බලප්‍රදේශ තුළ පසුගිය 19 දා සිට එළැඹෙන 30 දක්වා ජංගම සේවා ක්‍රියාත්මක වේ.
ඌව පළාතෙන් මේ වන විට ජාතික හැඳුනුම්පත් ලබාගැනීම සඳහා පුද්ගලයන් 26,000කගෙන් අයදුම්පත් ලැබී ඇති අතර ඉන් 15,000ක් වෙත දැනටමත් ජාතික හැඳුනුම්පත් නිකුත් කොට ඇති බව සඳහන් කළ කොමසාරිස් ජනරාල්වරයා ඉතිරි සියලු අයදුම්පත් හැඳුනුම්පත් නිකුත් කිරීමේ ක්‍රියාවලිය තුළ සකස් වෙමින් පවතින බවත් වැඩිදුරටත් පෙන්වා දුන්නේය.
ඉදිරියේ දී පැවැත්වීමට නියමිත ජංගම සේවා හරහා ද ලැබෙන අයදුම්පත් සඳහා හැකි ඉක්මනින් ජාතික හැඳුනුම්පත් නිකුත් කිරීමට බලාපොරොත්තු වන බවත් ඒ මහතා වැඩිදුරටත් පැවසීය.
DB
