නියගයෙන් පීඩාවට පත් වී සිටින කැබිතිගොල්ලෑව ප්‍රදේශයේ ජනතාවට උතුරු මැද පළාත් ප‍්‍රධාන අමාත්‍ය එස්.එම්. රංජිත් සමරකෝන් මහතාගේ ඉල්ලීමකට අනුව ප‍්‍රධාන අමාත්‍යාංශ ලේකම් චන්‍ද්‍රසිරි බණ්ඩාර මහතාගේ මැදිහත් වීමෙන් වෙන්නප්පුව දංකොටුව වෙළඳ සංගමය සහ සමෘද්ධි සංගමය මගින් වියළි ආහාර ද්‍රව්‍ය ප‍්‍රදානය කර තිබේ.
මෙම වියළි ආහාර ද්‍රව්‍ය පෙරේදා (19) කැබිතිගොල්ලෑව තම්මැන්නාව සහ රඹකැපූවැව ප‍්‍රදේශවලදී පවුල් දෙදහසකට (2000) බෙදා දෙනු ලැබීය.
මේ අවස්ථාවට උතුරු මැද පළාත් සභා මන්ත‍්‍රීණී කල්‍යාණී කරල්ලියද්ද, සුසිල් ගුණරත්න, පී.බී. කුමාර, කැබිතිගොල්ලෑව ප‍්‍රාදේශීය සභාවේ සභාපති කේ. සේනාරත්න, කහටගස්දිලිය ප‍්‍රාදේශීය සභාවේ සභාපති ගාමිණී ජයසේකර, මන්ත‍්‍රී ජගත් ප‍්‍රියංකර, ප‍්‍රධාන අමාත්‍යාංශයේ ලේකම් චන්‍ද්‍රසිරි බණ්ඩාර, ජ්‍යෙෂ්ඨ සහකාර ලේකම් සුදර්ශන දිසානායක යන මහත්ම මහත්මීහු ද ප‍්‍රදේශවාසීහු ද එක්වූහ.
NDH/HC
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
