වැඩිහිටි සමාජ සත්කාර අරමුදල්, සෞඛ්‍ය සහන සේවා නොසලකා හැරීම්, නීති ආධාර, ගෘහස්ථ ප්‍රචණ්ඩත්වය, දේපළ උරුම යනාදී ගැටලු පිලිබඳව වැඩිහිටි ප්‍රජාව දැනුවත් කිරීම පුත්තලම ප්‍රාදේශීය ලේකම් කාර්යාලයේ දී පැවැත් විය.
මෙම දැනුවත් කිරීමේ වැඩසටහන අධිකරණ අමාත්‍යාංශය , නීති ආධාර කොමිසම හා නීති කෙටුම්පත් සම්පාදන දෙපාර්තමේන්තුව විසින් සිදු කරන ලදි.
මෙහිදී ජීවිතයේ සැදෑසමය ගත කරන වැඩිහිටි ප්‍රජාවගේ පොෂණ හා සංවර්ධනය ශක්තිමත් කර ගතින් හා සිතින් ශක්තිමත් පුරවැසියෙකු ලෙස සමාජයේ ජීවත් වීමටත්, වැඩිහිටි විය සමාජයට බරක් නොවී පවත්වාගෙන යාම සදහා අවශ්‍ය මාර්ගෝපදේශනය ලබා දීම සිදුකරනු ලැබීය.
මෙම අවස්ථාව සදහා ජනාධිපති ලේකම් කාර්යාලයේ උපදෙස් පරිදි පුත්තලම ප්‍රාදේශීය ලේකම් එච්.එම්.සංජීවනී හේරත්, නීති ආධාර කොමිසමේ නීති නිලධාරී නීතිඥ කලණි මැදගොඩ , නීතිඥ ප්‍රියංකා සමරතුංග මහත්ම මහත්මීන්ද සහභාගී වූහ.
