දිස්ත්‍රික්කයේ පැවති දැඩි නියං තත්ත්වය නිසා වට 03 ක් යටතේ පොහොර සහනධාර ගෙවීමට තීරණය කර ඇති අතර ගොවිජන සේවා දෙපාර්තමේන්තුවෙන් ලබා දෙන ලේඛණ අනුව මහජන බැංකුව, ලංකා බැංකුව ජාතික ඉතිරිකිරීමේ බැංකුව සහ ප්‍රාදේශීය සංවර්ධන බැංකුව යන බැංකු හරහා මෙම මුදල් ගෙවීමට කටයුතු කෙරේ.
කුරුණෑගල අතිරේක දිස්ත්‍රික් ලේකම් කමල් අමරසිංහ මහතාගේ උපදෙස් පරිදි පළමු අදියරේ දී ගොවීන් 32,149 දෙනෙකු වෙනුවෙන් කුඹුරු හෙක්ටයාර් 12975.37 ක් සඳහා රුපියල් මිලියන 166.85 ක් මේ වන විට ගෙවා අවසන් කර ඇත.
දෙවන අදියරේ දී ගොවීන් 8719 දෙනෙකු වෙනුවෙන් කුඹුරු හෙක්ටයාර් 4050. 99 ක් සදහා රුපියල් ම්ලියන 51.52 ක් ඉදිරි සතියේ දී බැංකු ගත කිරීමට නියමිතය.
දැනට පවතින කාලගුණ තත්ත්වය යටතේ ඉදිරියේ දි වී වගා කලහොත් තුන්වන වටයක් යටතේ ද පොහොර සහනාධාර මුදල් ලබා දීමට පොහොර ලේකම් කාර්යාලයෙන් උපදෙස් ලැබී ඇති බව ඒ මහතා වැඩිදුරටත් ප්‍රකාශ කළේය.
කුරුණෑගල දිස්ත්‍රික් මාධ්‍ය ඒකකය
