වීරකැටිය ප්‍රදේශයේ එක්තරා කෞතුකාගාරයක් ඉදි කිරීමේ දී සිදු වී ඇතැයි කියන මූල්‍ය අක්‍රමිතාවයක් සම්බන්ධයෙන් මූල්‍ය අපරාධ විමර්ශන කොට්ඨාසය මගින් විමර්ශනයක් සිදු කරන බව පොලිසිය ප්‍රකාශ කරයි.
මෙම විමර්ශනය සම්බන්ධයෙන් අලුත්කඩේ අංක 01 මහේස්ත්‍රාත් අධිකරණයට කරුණු ද වාර්තා කර ඇත.
එම කෞතුකාගාරය ඉදි කිරීමට අදාළ තක්සේරු වාර්තාවක් ලබා ගැනීමට අවශ්‍ය වූ බැවින් ඊයේ (10) මූල්‍ය අපරාධ විමර්ශන කොට්ඨාසයේ නිලධාරීන් කණ්ඩායමක් රජයේ තක්සේරු නිලධාරීන් සමඟ එම කෞතුකාගාරය තිබෙන ස්ථානයට ගොස් විමර්ශන සිදු කළ බව ද පොලිසිය සඳහන් කරයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
