වේරහැර පිහිටි එම රෝහල් පරිශ්‍රයට පැමිණ ආරක්ෂක රාජ්‍ය අමාත්‍යවරයා කොතලාවල ආරක්ෂක විශ්ව විද්‍යාලයේ උපකුලපති මේජර් ජෙනරාල් මිලින්ද පිරිස් මහතා විසින් සාදරයෙන් පිළිගෙන කැඳවාගෙන යන ලදී. නව ශිෂ්‍ය නේවාසිකාගාර ගොඩනැගිල්ලේ පීත්ත පටිය කැපීමෙන් අනතුරුව සමරු ඵලකය විවෘත කල අතර අනතුරුව අමාත්‍යවරයා ඇතුළු පිරිස ආගමික වතාවත් සඳහා සහභාග විය. ආගමික වතාවත් වලින් අනතුරුව නව ගොඩනැගිල්ල සහ එහි පහසුකම් රාජ්‍ය අමාත්‍යවරයා ඇතුළු පිරිස නිරීක්‍ෂණය කරන ලදී. රෝගින්ගේ අමුත්තන් සඳහා නවාතැන් පහසුකම් සපයන නව ගොඩනැගිල්ල විවෘත කරනු ලැබුයේ ඉන් අනතුරුවයි.
උත්සවය අවසානයේ කොතළාවල ආරක්ෂක විශ්ව විද්‍යාලයේ උපකුලපති විසින් රාජ්‍ය අමාත්‍යවරයා වෙත සමරු තිළිණයක් පිළිගැන්වීම ද සිදුවූ අතර අනතුරුව අමාත්‍යවරයා විශේෂ අමුත්තන් සඳහා වන පොතෙහි සටහනක් තැබීමටද අමතක නොකළේය.
මේ අවස්ථාව සඳහා ආරක්ෂක අමාත්‍යංශයේ අතිරේක ලේකම් එස් හෙට්ටිආරච්චි මහතා, අමාත්‍යාංශ නිලධාරීන්, ජ්‍යෙෂ්ඨ හමුදා නිලධාරීන් ඇතුළු පිරිසක් සහභාග වී සිටියහ.
