දිසාපතිවරයා මෙම අදහස් ප්‍රකාශ කළේ ජාත්‍යාන්තර ආබාධිත දිනයට සමගාමීව අඟහරුවාදා (08) දා මාතලේ සංචාරක ප්‍රවර්ධන සංකිර්ණයේ පැවති ආබධ සහිත පුද්ගලයින් විසින් පැවැත් වූ ‘ද විෂන් සංගිත ප්‍රසංගය‘ ට සහභාගි වූ අවස්ථාවේ දීය.
ආබාධ සහිත පුද්ගලයින් යනු සමාජයේ වෙනම කොට්ඨාසයක් නොවන බවත් ඔවුන් කිසියම් විශේෂ අවශ්‍යතා සහිත පුද්ගලයින් බැවින් අපි ඔවුන් දෙස සානුකම්පිතව බැලිය යුතු බවත් මාතලේ දිස්ත්‍රික්කයේ සිටින ආබාධ සහිත පුද්ගලයින් තමා සමඟ ඔවුන්ගේ ගැටළු සාකච්ඡා කළ ඇති බවත් ඉදිරි කාලයේ දී ඔවුන් වෙනුවෙන් ස්වයං රැකියා ආරම්භ කිරිම සඳහා ණය සහ ආධාර ලබා දිමට කටයුතු කරන බවත් මාතලේ දිස්ත්‍රික්කයේ ආබාධ සහිත පුද්ගලයින්ගේ සංගිත කණ්ඩායමක් ආරම්භ කිරිමට තමා කටයුතු කරන බවත් දිසාපතිවරයා මෙහිදී වැඩිදුරටත් අදහස් දක්වමින් ප්‍රකාශ කළේය.
මෙම අවස්ථාවට මාතලේ අතිරේක දිස්ත්‍රික් ලේකම් (ඉඩම්) ඉෂාන් විජේතිලක, මාතලේ ප්‍රාදේශිය ලේකම් කේ.පී.එල්.පී මධුවන්ති යන මහත්ම මහත්මීන් සහ දිස්ත්‍රික්කයේ අබාධ සහිත පුද්ගලයින් රැසක් සහභාගි වූහ.
dmu_Matale
