මහනුවර දිස්ත්‍රික්කයේ සමෘද්ධි ප්‍රතිලාභීන් වෙත ප්‍රතිලාභ පිරිනැමීමේ උත්සවයක් 13 වැනි සිකුරාදා පෙ.ව. 10.00 ට මහනුවර කලා සංගම් ශාලාවේදී පැවැත්වීමට කටයුතු යොදා තිබේ. සමාජ සවිබල ගැන්වීමේ හා සුබසාධන අමාත්‍ය එස්.බී. දිසානායක මහතාගේ ප්‍රධානත්වයෙන් පැවැත්වෙන මෙම උත්සවයේදී දිරිය පියස නිවාසලාභින් 135 දෙනෙක් සඳහා චෙක්පත් පිරිනැමීමට නියමිතය.
මීට අමතරව ප්‍රතිලාභීන් 30 දෙනෙක් වෙත දිරිය සවිය ණය මුදල් ලබා දීමටත්, නිවාස ලොතරැයිලාභීන් 16 දෙනෙක් වෙත චෙක්පත් ප්‍රදානය කිරීමටද කටයුතු යොදා තිබේ.
ප්‍රතිලාභ ලබා දීමේ කාර්යයට අමරතව මහනුවර දිස්ත්‍රික්කයේ කාර්යයක්ෂම රාජ්‍ය සේවයක් ලබා දුන් මහනුවර දිස්ත්‍රික්කයේ සමෘද්ධි නිලධාරින් ඇගයීමටද කටයුතු යොදා ඇති අතර, දිවි නැගුම අලෙවි වැඩසටහනට අදාළ ව්‍යාවසායකයින් ඇගයීමටද නියමිතය.
dmu_Kandy
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
