අලුතින් රාජ්‍ය සේවයට බැඳුණු සහ මෙතෙක් දෙවන භාෂා පුහුණුව ලබා නොගත් පොලොන්නරුව දිස්ත්‍රික් ලේකම් කාර්යාලයේ සහ තමන්කඩුව ප්‍රාදේශීය මහ ලේකම් කාර්යාලයේ සේවයේ නියුතු රාජ්‍ය නිලධාරීන් සඳහා දින 12ක දෙමළ භාෂා පුහුණු වැඩසටහනක් පැවැත්වීමට ජාතික භාෂා අධ්‍යාපන පුහුණු ආයතනය සහ තමන්කඩුව ප්‍රාදේශීය මහ ලේකම් කාර්යාලය එක්ව කටයුතු සංවිධානය කරගෙන යයි.
පොලොන්නරුව නව නගරයේ පිහිටි ධවල මන්දිර ශාලාවේදී පෙරවරු 08.00 සිට පස්වරු 04.00 දක්වා සතියේ දිනවල සහ සති අන්තවල මෙම භාෂා පුහුණු වැඩසටහන පැවැත්වීමට නියමිතව ඇතැයි පොලොන්නරුව අතිරේක දිස්ත්‍රික් ලේකම් හා තමන්කඩුව ප්‍රාදේශීය මහ ලේකම් (වැඩ බලන) සුජන්ත ඒකනායක මහතා ප්‍රකාශ කළේය.
මෙම භාෂා පුහුණුව ලැබීමට අපේක්ෂිත නිලධාරීන්ගේ නාම ලේඛන මේ මස 09වෙනි දිනට ප්‍රථම ලබා දෙන ලෙස ආයතන ප්‍රධානීන් වෙත දැනුම් දී තිබේ. එසේම භාෂා පුහුණුව පැවැත්වෙන දිනයන් පසුව දැනුම් දීමට නියමිතය.
dmu_Polonnaruwa
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
