2015 යල කන්නයේ වී අස්වනු නෙළීමෙන් පසු වී මිල දී ගැනීමේ රජයේ වැඩ පිළිවෙල යටතේ මාතර දිස්ත්‍රක්කයේ වී මිල දී ගැනීමේ කටයුතු සඳහා රුපියල් මිලියන 25 ක මුදලක් වෙන් කළ බවත් එම මුදල් ප්‍රතිපාදන වලින් මේ වන විට වී කිලෝ 500,000 කට අධික ප්‍රමාණයක් මිල දී ගෙන තිබෙන බවත් මාතර දිස්ත්‍රික් ලේකම් ඊ. ඒ. සී. විදානගමාච්චි මහත්මිය ප්‍රකාශ කළා ය.
මිල දී ගන්නා ලද වී තොග මේ වන විට මාතර - මැද්දවත්ත වී ගබඩා සංකීර්ණයේ ගබඩා කර තිබෙන අතර පසුගිය කන්නයේ මෙන්ම මෙවර ද සම්බා වී කිලෝවක් රුපියල් 50 ක මුදලකට හා නාඩු වී කිලෝවක් රුපියල් 45 ක මුදලකට මිලදී ගන්නා ලදි.
ජාතික පොහොර ලේකම් කාර්යාලයේ මාතර දිස්ත්‍රික් කාර්යාලයේ සහ වී අලෙවි මණ්ඩලයේ සම්බන්ධීකරණයෙන් මාතර දිස්ත්‍රික්කයේ වී අතිරික්තයක් සහිත ප්‍රාදේශීය ලේකම් කොට්ඨාස වන වැලිපිටිය, වැලිගම, තිහගොඩ, හක්මණ හා කඹුරුපිටිය මූලික කර ගනිමින් වී මිලදී ගැනීමේ කටයුතු සිදු කෙරිණි.
AP/DMU-Matara
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
