මෝටර් රථ ආඥා පනතේ අංක 194/198 (2) වගන්තිය යටතේ මෝටර් රථ ප්ර වාහන දෙපාර්තමේන්තුවේ රත්නපුර දිස්ත්‍රික් කාර්යලය මගින් පසුගිය 22 දින පස්වරු 7.00 සිට කරන ලද හදිසි රථ වාහන නිරීක්ෂණ මෙහෙයුමකදී ධාවනයට නුසුදුසු වාහන 41 ක් ධාවනයෙන් ඉවත් කිරිමට නියෝග ලබා දී ඇති අතර තවත් වාහන 33ට අලුත් වැඩියා කිරිමේ නියෝග ලබා දුන් බව රත්නපුර දිස්ත්‍රික් මාධ්‍ය ඒකක සඳහන් කරයි.
ලොරි රථ,මගී ප්‍රවාහන බස් රථ සහ ත්‍රීරෝද රථ එම වාහන අතර වේ.
ඇහැලියගොඩ,රත්නපුර,පැල්මඩුල්ල සහ ඇඹිලිපිටිය යන නගරවලදී මෙම හදිසි වැටලීම් සිදු කරනු ලැබීය.
රත්නපුර දිස්ත්‍රික් ලේකම් සුනිල් කන්නන්ගර මහතාගේ උපදෙස් පරිදි ආර්.එම්.පි.කේ.එම්. රාජජීව ප්‍රමුඛ එම්.ආර්.සේනාරත්න, සී.පී.ආර්.ජේ.පතිරණ, බි.ජි.අයි.සී.අරියදාස යන මෝටර් රථ වාහන පරීක්ෂකවරුන් විසින් මෙම වැටලීම් සිදු කළ බව රත්නපුර දිස්ත්‍රික් මාධ්‍ය ඒකකය වැඩිදුරටත් සඳහන් කරයි.
kpm/DMU_Ratnapura
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
