මත්ද්‍රව්‍ය නිවාරණ ජනාධිපති කාර්ය සාධක බලකාය විසින් මෙම වැඩසටහන මෙහෙය වන අතර ඒ පිළිබඳව පැවති විශේෂ සාකච්ඡාවක් පසුගියදා ජනාධිපති අතිරේක ලේකම් රෝහණ කීර්ති දිසානායක මහතාගේ ප්‍රධානත්වයෙන් සහ දිස්ත්‍රික් ලේකම් රවින්ද්‍ර හේවාවිතාරණ මහතාගේ සහභාගීත්වයෙන් ගාල්ල දිස්ත්‍රික් ලේකම් කාර්යාලයේ දී පැවැත්විණි.
මෙම වැඩසටහන ගාල්ලේ පැවැත්වීමට මූලික වූ හේතුව සඳහන් කරමින් රෝහණ කීර්ති දිසානායක මහතා පෙන්වා දුන්නේ ගාල්ල සංචාරක දිස්ත්‍රික්කයක් බැවින් මත්ද්‍රව්‍ය වැනි සමාජයට බලපෑම්කාරී දෑ පිළිබඳව මහජනතාව මෙහිදී විශේෂ දැනුවත් කිරීම කළ යුතු බවයි.
මෙම වැඩසටහන සඳහා පාසල් සිසුන්, සිවිල් සංවිධාන, මත් ද්‍රව්‍ය නිවාරණය වෙනුවෙන් කටයුතු කරනු ලබන පුරවැසියන් සහ ජනමාධ්‍යවේදීන් ඇතුළුව සිවිල් සහ රාජ්‍ය අංශය නියෝජනය
කරමින් බොහෝ පිරිසක් සහභාගී වීමට නියෙමිතය.
මෙහි පළමු වැඩ සටහන ගම්පහ දිස්ත්‍රික්කයේ ජා ඇල ප්‍රදේශය කේන්ද්‍ර කර ගනිමින් පැවැත්විණි.
AP/DMU - Galle
