මිනිස් බල හා රැකි රක්ෂා දෙපාර්තමේන්තුවේ කොළඹ දිස්ත්‍රික් රැකියා සේවා මධ්‍යස්ථානය මගින් සංවිධානය කරන ලද රැකියාවට අත්වැලක් නම් වෘත්තිය මාර්ගෝපදේශ වැඩසටහනක් පසුගියදා කොළඹ දිස්ත්‍රික් ලේකම් එච්.ටී.කමල් පත්මසිරි මහතාගේ ප්‍රධානත්වයෙන් නාරාහේන්පිට කම්කරු දෙපාර්තමේන්තු ශ්‍රවණාගාරයේ දී පවත්වන ලදී.
මෙම වැඩසටහන සදහා කොළඹ දිස්ත්‍රික්කයේ රැකියා අපේක්ෂිත තරුණ තරුණියන් 250 ක් සහභාගී විය.මේ අය සදහා කොළඹ විශ්ව විද්‍යාලයේ ආචාර්ය අජිත් ජයවර්ධන මහතා විසින් රැකියාවකට ප්‍රවේශ වීම පිළිබද රැකියා අපේක්ෂිතයන් දැනුවත් කිරීම සිදු කරන ලදී.
මෙම අවස්ථාවට සහභාගී වූ විවිධ ආයතන කිහිපයක් මගින් එදිනම 30 දෙනෙකු සඳහා රැකියා අවස්ථා ලබා දීම ද සිදු විය.මෙම වැඩසටහන සංවිධානය කරනු ලැබුවේ කොළඹ දිස්ත්‍රික් ලේකම් කාර්යාලයේ මානව සම්පත් සංවර්ධන නිලධාරින් විසිනි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
