මෙවර ලෝක ක්ෂය රෝග දිනයේ තේමාව වනුයේ ''හඳුනා නොගත් ක්ෂය රෝගීන් 4000ක් අප අතර- හඳුනාගනිමු, ප්‍රතිකාර කරමු,සැමට සුවය සදමු’’ යන්නයි.

වාතාශ්‍රයේ පවතින ක්ෂය රෝග කාරක බැක්ටීරියාව සහිත සෙම බිඳිති මගින් බෝ වන රෝගයක් ලෙස ක්ෂය රෝගය හඳුන්වයි.

ලෝක ජනගහනහ්යෙන් 1/3ක් පමණ ක්ෂය රෝග බැක්ටීරියාව ආසාදිතයන් වෙයි.ලෝක ජනගහනයෙන් මිලියන 9ක් ක්ෂය රෝගය වැලදී ප්‍රතිකාර ආරම්භ කර තිබේ.මින් මිලියන 1.5ක් ක්ෂය රෝගයෙන් මියගොස් තිබේ.

ශ්‍රී ලංකාවේ වර්ෂ 2013 දී ක්ෂය රෝග රෝගීන් 9500කට ආසන්න ප්‍රමාණයක් හඳුනාගෙන ප්‍රතිකාර ආරම්භ කර ඇත.එහෙත් ලෝක සෞඛ්‍ය සංවිධානය අනුව ශ්‍රී ලංකාවේ ක්ෂය රෝගීන් 14,000ක් සිටිය යුතු බව වාර්තා කර ඇතැයි ක්ෂය රෝග මර්දන හා ළය රෝග පිළිබඳ ජාතික වැඩසටහන පවසයි.

ක්ෂය රෝගය වැළදීම වළක්වා ගත හැකි අතර ක්ෂය රෝගය යනු ප්‍රතිකාර මඟින් සම්පූර්ණයෙන් ම සුව කළ හැකි රෝගයකි.