ඉඩම් අමාත්‍යංශය හා එම අමාත්‍යංශය යටතේ පවත්නා ඉඩම් කොමසාරිස් ජනරාල් දෙපාර්තමේන්තුව, ඉඩම් ප්‍රතිසංස්කරණ කොමිසන් සභාව ඇතුළු අනෙකුත් ආයතනවල පසුගිය කාල සීමාව තුළ සිදු ව ඇතැයි වාර්තා වන විවිධ අක්‍රමිකතා හා අයථා ඉඩම් පැවරීම් පිළිබඳ ව පරික්ෂා කර වාර්තා කිරීම මෙම කමිටුවට පැවරී තිබේ.
ශ්‍රී ලංකා පරිපාලන සේවයේ පළපුරුදු විශ්‍රාමික නිලධාරියෙකු වන එස්.ඩි. චන්ද්‍රදාස මහාතා මෙම කමිටුව සඳහා පත්කර ඇත.
රජයේ සහ ඉඩම් ප්‍රතිසංස්කරණ කොමිසන් සභාවට අයත් ඉඩම් විවිධ පාර්ශවයන් වෙත පවරා දිමේ දී සිදු වූ යම් අක්‍රමිකතාවක් හෝ එබදු අයථා ඉඩම් පවරා දීම් පිළිබඳ ව යම් තොරතුරක් ඇත්නම් ලේකම්, ඉඩම් අමාත්‍යංශය, “මිහිකත මැදුර”, අංක 1200/6, රජමල්වත්ත පාර, බත්තරමුල්ල යන ලිපිනයට යොමුකරන ලෙස ඉඩම් අමාත්‍ය එම්.කේ.ඒ.ඩි.එස්. ගුණවර්ධන මහතා ජනතාවගෙන් ඉල්ලා සිටී.
DB
