උතුරු නැගෙනහිර පළාත්වල මුහුදු පැලෑටි වගා කිරීම සදහා ඉදිරිපත්ව සිටින ඉන්දීය ආයෝජකයින් මුහුණ පා ඇති ගැටලු විසදීමට අවශ්‍ය සහයෝගය ලබාදීමට තමන් දැඩි කැමැත්තෙන් සිටින බව ධීවර අමාත්‍ය ඩග්ලස් දේවානන්ද මහතා පවසයි.

නිල්වලා ගංගා ද්‍රෝණීයේ ගංවතුර නිම්නයේ ඇතැම් ප්‍රදේශවලට නැවත සැළකියයුතු මට්ටමේ ගංවතුර තත්වයක් ඇතිවීමේ අවධානමක් ඇති බව වාරිමාර්ග දෙපාර්තමේන්තුවේ ජල විද්‍යා හා ආපදා කළමනාකරණ අංශයේ අධ්‍යක්ෂ ඉංජිනේරු එස්.පී.සී.සුගීෂ්වර මහතා පවසයි.

වන සතුන්ගෙන් සිදුවන වගා හානි වළක්වා ගැනීමට කෘෂිකර්ම අමාත්‍යාංශය සහන මිලට වායු රයිෆල් බෙදා දීම ඊයේ (22) කෘෂිකර්ම අමාත්‍ය මහින්ද අමරවීර මහතාගේ ප්‍රධානත්වයෙන් අගුනකොලපැලැස්සේ දී පැවැති වැඩසටහනක දී ආරම්භ කළ බව එම අමාත්‍යංශය පවසයි.