කොස්ලන්ද, මීරියබැද්ද ප්‍රදේශයේ සිදු වූ නායයාමේ සිද්ධිය සම්බන්ධයෙන් ඉන්දියාවේ විදේශ කටයුතු ඇමතිනී සුෂ්මා ස්වරාජ් මහත්මිය ඊයේ (29) දුරකතනයෙන් තමාට කතා කර අවශ්‍ය ඕනෑම උදව්වක් කරන බව පැවසුවේ යැයි විදේශ කටයුතු අමාත්‍ය මහාචාර්ය ජී.එල්. පීරිස් මහතා පවසයි.
අමාත්‍යවරයා මේ බව පැවසුවේ අද (30) පාර්ලිමේන්තුවේදී විසර්ජන පනත් කෙටුම්පත දෙවැනි වර කියැවීමේ පස්වෙනි දින විවාදය අතරතුරේදීය.
ඇමරිකා එක්සත් ජනපදයේ සහකාර රාජ්‍ය ලේකම් නිශා බිස්‌ටාල් මහත්මියත් අපේ තානාපතිවරයාට කතා කර මේ සම්බන්ධයෙන් සහය ලබා දෙන බව ද පැවසූවේ යැයි අමාත්‍යවරයා වැඩිදුරටත් සඳහන් කළේය.
NDH
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
