නව ගොඩනැගිලි ජනතා අයිතියට පවරාදීමට එහි ගිය ජනාධිපති මහින්ද රාජපක්ෂ මැතිතුමාට එම ජනතාවගෙන් හිමිවූයේ ද ඉහළ ප‍්‍රතිචාරයකි. ප්රාදේශීය සභා සංකීර්ණය වෙත රැස් ව සිටි ප‍්‍රදේශයේ ජනතාව අති විශාල පිරිසක් පි‍්‍රති ඝෝෂා නඟමින් ජනාධිපතිතුමාව පිළිගත්හ.
සමරු ඵලක නිරාවරණය කර නව ගොඩනැගිලි ජනතා අයිතියට පවරා දුන් ජනාධිපතිතුමා රැස්ව සිටි ජනතාව සමඟ ද සුහද කතා බහක නිරත විය.
රුපියල් මිලියන 40 ක වියදමින් ඉදි කළ පදවි ශී‍්‍ර පුර ප්රාදේශීය සභා නව ගොඩනැගිල්ල පරිපාලන සංකීර්ණයක්, ශ‍්‍රවණාගාරයක් හා ප්රාදේශීය සභා ශාලාවකින් ද සමන්විතය. සේවා ලබා ගැනීමට පැමිණෙන ජනතාවට උපරිම පහසුකම් සලසමින් අංග සම්පූර්ණ ගොඩනැගිලි සංකීර්ණයක් ලෙස එය ද ඉදිකර ඇත.
මේ අතර ගෝමරන්කඩවල ශී‍්‍ර සුදර්ශනාරාම විහාරස්ථානය වෙතද ඉන් අනතුරු ව ගිය ජනාධිපතිතුමා එහි විහාරාධිපති ගෝමරන්කඩවල ශාසනාරක්ෂක බල මණ්ඩලයේ ලේඛකාධිකාරි පූජ්‍ය තවලම් හල්මිල්ලෑවේ දේවානන්ද නායක හිමිපාණන් වහන්සේ බැහැ දැක සුව දුක් විමසීය.
විහාරස්ථානයේ අභිනවයෙන් ඉදිකෙරුණු දාන ශාලාව විවෘත කෙරුණේද ජනාධිපතිතුමා අතිනි.
ජනාධිපතිතුමාගේ පැමිණිම සැලවීමෙන් ප‍්‍රදේශයේ අතිවිශාල ජනතාවක් විහාරස්ථානය වෙත රැස්ව සිටි අතර ජනාධිපතිතුමා ඔවුන්ගේ ද තොරතුරු විමසමින් සුහද කතා බහක නිරත විය.
DB
