වසර 30 කට ආසන්න කාලයක් මෙරට වෙලා පැවති ත්‍රස්තවාදය මානුෂීය මෙහෙයුමකින් විජයග්‍රහණය කර මවිබිමේ ස්වෛරීභාවය සහ භෞමික අඛණ්ඩතාවය ස්ථාපිත කිරීම උදෙසා ත්‍රිවිධ හමුදාවේ, පොලිසියේ සහ සිවිල් ආරක්‍ෂක දෙපාර්තමේන්තුවේ වීරෝධාර රණවිරුවන් ජීවිත පරිත්‍යාගයෙන් සිදු කළ අනභිබවනීය දායකත්වය එම විජයග්‍රහණය සඳහා තීරණාත්මක සාධකයක් විය.
ඒ අනුව, මානුෂීය මෙහෙයුම විජයග්‍රහණයකින් අවසන් කිරීම සඳහා ජීවිත පරිත්‍යාගයෙන් සහ රණක්‍ෂිතයට පත්වෙමින් කටයුතු කල වීරෝධාර රණවිරුවන් අනුස්මරණය කිරීමේ 15 වන රණවිරු සැමරුම් දිනයට සමඟාමීව ශ්‍රී ලංකා නාවික හමුදාවේ නිත්‍ය සහ ස්වේච්ඡා අංශයන්ට අයත් විවිධ තරාතිරම් වල ජ්‍යෙෂ්ඨ සහ කණිෂ්ඨ නාවිකයන් 3146 ක් ඊලඟ තරාතිරම් දක්වා නාවික හමුදාධිපතිගේ නිර්දේශය මත මෙලෙස උසස් කිරීමට නාවික හමුදාව කටයුතු කෙරිණි
