කොළඹ දිස්ත්‍රික් පාර්ලිමේන්තු මන්ත්‍රී ආර්. යෝගරාජන් මහතා අද (28) පාර්ලිමේන්තුව හමුවේ සිය වරප්‍රසාද උල්ලංඝනය වී ඇතැයි කියමින් කරන ලද ප්‍රකාශයෙන් පසු විපක්ෂයේ ප්‍රධාන සංවිධායක ජෝන් අමරතුංග මහතා කළ ඉල්ලීම පිළිගත නොහැකි බව කී සභානායකවරයා ප්‍රශ්නය වරප්‍රසාද කමිටුව හමුවේ කතා කළ හැකි නිසා අලුතින් කාරක සභා අවශ්‍ය නොමැති බව ද කීය.
නගා ඇති වරප්‍රසාද ප්‍රශ්නය පිළිබඳ ව කතානායකවරයා තීරණයක් ගත යුතු බව පෙන්වා දුන් සභානායකවරයා එහිදී අවශ්‍ය පියවර ගත හැකි බව ද කීය.
මන්ත්‍රීවරුන් ලෙස කටයුතු කළ ක්‍රියාදාමයකට අදාළ ව මන්ත්‍රීවරුන් සිව් දෙනෙකු කැඳවා ඇප නියම කර ඇති බවත් පහර කෑමට ලක් වූ තම මන්ත්‍රීවරුන්ගෙන් පොලිසිය ප්‍රකාශයක් වත් ලබා නොගෙන ඔවුන් අධිකරණය හමුවට කැඳවීම පිළිබඳ ව වහා ම කොම්පඤ්ඤ වීදිය පොලිස් ස්ථානාධිපතිවරයා කාරක සභාව හමුවට කැඳවිය යුතු බව ද මේ අවස්ථාවේ දී ජෝන් අමරතුංග මහතා මූලාසනයේ සිටි නියෝජ්‍ය කතානායක චන්දිම වීරක්කොඩි මහතාගෙන් ඉල්ලා සිටියේය.
NDH/HC
