සිසිල් සෙවණ ළමා උද්‍යාන පරිශ්‍රයේ ළමා හා මාතෘ සායනයක්, ක්‍රීඩා පිටියක් හා පෙර පාසලක් පවත්වාගෙන යනු ලබන අතර ජනාධිපතිතුමා එම කටයුතු පිළිබඳ ව ද සොයා බැලීය.
ජනාධිපතිතුමාගේ සම්ප්‍රාප්තිය සැලවීමෙන් ප්‍රදේශයේ ජනතාව විශාල පිරිසක් ද ඒ අවට රැස්ව සිටි අතර ජනාධිපතිතුමා ඔවුන් අතරට ගොස් තොරතුරු විමසීමට ද අමතක නොකළේය.
සේවා ලබාගැනීමට පැමිණෙන ජනතාවට උපරිම පහසුකම් සලසමින් වඩාත් කාර්යක්ෂම හා විධිමත් සේවවක් සැපයීමේ අරමුණින් ඉදිකළ බිංගිරිය නව ප්‍රාදේශීය සභා ගොඩනැගිල්ල සඳහා රුපියල් මිලියන 38ක් වැය කොට ඇත.
බිංගිරිය ප්‍රාදේශීය සභා ගොඩනැගිල්ල විවෘත කිරීමේ අවස්ථාව සඳහා ජ්‍යේෂ්ඨ අමාත්‍ය එස්.බී. නාවින්න, අමාත්‍යවරුන් වන බන්දුල ගුණවර්ධන, ජයරත්න හේරත්, ඒ.එල්.එම්. අතාවුල්ලා, ජොන්ස්ටන් ප්‍රනාන්දු, වයඹ පළාත් ආණ්ඩුකාර තිස්ස බලල්ල, ප්‍රධාන අමාත්‍ය දයාසිරි ජයසේකර, නියෝජ්‍ය අමාත්‍ය ඉන්දික බණ්ඩාරනායක, පාර්ලිමේන්තු මන්ත්‍රී ශාන්ත බණ්ඩාර මහත්වරු ඇතුළු පිරිසක් මෙම අවස්ථාවට එක් ව සිටියහ.
DB
