රාජ්‍ය ඇමැතිවරයා මෙසේද පැවසුවේය.
පසුගිය වසර දෙක තුළ ජනතාවගේ සියලු ගැටලු විසඳීමට නොහැකි වුවත් ජනතාවට අවශ්‍ය මූලික අවශ්‍යතා ඉටු කරන්නට අපිට හැකි වුණා. රාජ්‍ය මූල්‍ය කළමනාකරණයට ඇති අවධානය ගැනත් අපි සිතිය යුතුයි. හැම අවස්ථාවකදීම අපි දකින්නේ විවේචන පමණයි. කිහිපදෙනෙක් යෝජනා ඉදිරිපත් කළා. ආහාර සුරක්ෂිතතාව රට තුළ ඇති කිරීමට අපි කටයුතු කළා. 2022 යල කන්නයේ සිට පොහොර ලබාදීමට අපි කටයුතු කළා. ඉන්පසුව පොහොර ලබාදීම වැඩි වැඩියෙන් කළා. අද වන විට ඔවුන්ගේ ආර්ථිකය යහපත් වෙමින් තිබෙනවා. ඖෂධ සම්බන්ධයෙන් ද ගැටලු ඇති වුණා. ඒවා විසඳීමටත් අපි කටයුතු කළා. රුපියල් බිලියන 4000 ක ආදායමක් 2024 තුළදී අපේක්ෂා කරනවා. ඉන් රුපියල් බිලියන 2600 ක් අපි පොලී ගෙවනවා. ආසන්න ලෙස දළ දේශීය නිෂ්පාදනයට සාපේක්ෂව සියයට 8.5 ක පොලියක් අපි ගෙවනවා. ඒක තමයි අර්බුදය. රාජ්‍ය ආදායම සියයට 13 දක්වා යාමට අපි අපේක්ෂා කරනවා. එය අපිට කළ හැක්කේ දේශපාලන වෙනසක් ඇති නොවුණොත්.
