විහාරස්ථානයේ අභිනවයෙන් ඉදිකෙරුණු ධර්ම මන්දිරය ද ජනාධිපතිතුමා අතින් විවෘත කෙරිණි.
විහාරස්ථානයේ පැරණි ආවාස ගෙයද මෙහි දී ජනාධිපතිතුමාගේ අවධානයට ලක් වූ අතර එය කඩිනමින් අලුත්වැඩියා කර දෙන ලෙස ජනාධිපතිතුමා ඒ අවස්ථාවේදී ම සංස්කෘතික කටයුතු අමාත්‍ය ටී.බී. ඒකනායක මහතා වෙත දුරකතනයෙන් දැනුම් දුන්නේය.
සියම් නිකායේ අස්ගිරි පාර්ශවයේ කාරක සංඝ සභික ශාස්ත්‍රපති පූජ්‍ය මුරුදෙනියේ ධම්මරතන නායක හිමිපාණන් වහන්සේ මේ අවස්ථාවට වැඩම කර සිටි අතර උන්වහන්සේගේ සුවදුක් විමසූ ජනාධිපතිතුමා උන්වහන්සේට අටපිරිකර පූජා කළේය.
ඓතිහාසික බදුලු මුතියංගන රාජමහා විහාරස්ථානයේ විහාරාධිපති ශාස්ත්‍රපති පූජ්‍ය වරකාගොඩ ශ්‍රී ඥානරතන නායක හිමිපාණන් වහන්සේ බැහැදුටු ජනාධිපතිතුමා උන්වහන්සේගේ සුවදුක් විමසා කෙටි පිළිසඳරක ද නිරත විය.
NDH/pmu_pix by nalin Hewapathirana
