අද ශී‍්‍ර ලංකාව පිළිබඳ අන්තර්ජාතික පරීක්ෂණයක් ඉල්ලා සිටින කණ්ඩායම් ඉදිරියේදී කාශ්මීරය පිළිබඳ අන්තර්ජාතික පරීක්ෂණයක් ඉල්ලා සිටිය හැකි බව ද පෙන්වා දුන් ජනාධිපතිතුමා එසේ වුවහොත් එවැනි බාහිර පරීක්ෂණයක් පිළිබඳව ශ‍්‍රී ලංකාව විරෝධය පළ කරන බව ද පැවසීය.
ජනාධිපති මහින්ද රාජපක්‍ෂ මැතිතුමා මේ බව පැවසුවේ "ද හින්දු" පුවත්පත සමඟ පැවති සම්මුඛ සාකච්ඡාවකදී ය. "ද හින්දු" පුවත්පත ඉන්දියාවේ ප්‍රධාන ජාතික පුවත්පතකි.
මෙහිදී ජනාධිපතිතුමා ඉන්දු ලංකා සබඳතා ඇතුළු කරුණු රැසක් පිළිබඳව කරුණු පැහැදිලි කළේය.
13 වෙනි ව්‍යවස්ථා සංශෝධනය පිළිබඳ දෙමළ ජාතික සන්ධානය සමඟ සාකච්ඡා කිරීම රජය ප‍්‍රතික්ෂේප කර නැතැයි ද ජනාධිපතිතුමා මෙහිදී පෙන්වා දී ඇත .
මෙම මස පැවැත්වෙන එක්සත් ජාතීන්ගේ මහා මණ්ඩල සැසිවාරය අතරතුර දී ඉන්දීය අග‍්‍රාමාත්‍ය නරේන්‍ද්‍ර මෝදි මහතා හමුවී සාකච්ඡා කිරීමට බලාපොරොත්තු වන බව ද ජනාධිපතිතුමා මෙහි දී "ද හින්දු" පුවත්පත වෙත පවසා තිබේ.
NDH/priu
