අධිවේගී මාර්ග ඇතුළු සංවර්ධනයේ සැබෑ වෙනසක් කරමින් මෙරට ආර්ථිකය ශක්තිමත් කිරීමට 2005දී ජනාධිපති මහින්ද රාජපක්ෂ මහතා රට භාරගනිමින් කටයුතු කළ බව වරාය හා මහාමාර්ග ව්‍යාපෘති අමාත්‍ය රෝහිත අබේගුණවර්ධන මහතා අද (09) පාර්ලිමේන්තුවේදී බදු පනත් පිළිබඳ විවාදයට එක්වෙමින් පැවසීය.
එක්සත් ජාතික පක්ෂය කාලේ රටේ යුද්ධක් නිර්මාණය වුණා. රට භීෂණයට ලක් වූ අතර 1994 සිට 2002 දක්වා අප මෙරට ආණ්ඩු කළත් ජනතාවට දැනෙන වෙනසක් සිදු වුණේ නැහැ. ඒත් වසර කිහිපයක් තුළ මේ රජය වසර තිහක් පුරා තිබූ යුද්ධය නිමා කළ බව ඔහු සඳහන් කළේය.
වැඩිදුරටත් අදහස් දැක්වූ අමාත්‍යවරයා "ඡන්දයෙන් රතු එළියක් වැටිලා කියලා එජාපය කියනවා. එජාපය කොළඹින් හය ලක්ෂ ගණනක් ඡන්ද ගත්තා. සන්ධානය ඊට වැඩි ඡන්ද ගණනක් ගත්තේ ජනතාවගේ කැමැත්ත නිසයි. මේ අය අසීරුවෙන් ජීවත් වෙනවා නම් ඡන්දය දෙනවාදැ?"යි අමාත්‍යවරයා ප්‍රශ්න කළේය.
NDH/HC
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
