හපුතලේ නව නගරාධිපති උපුල් දිසානායක මහතා අග්‍රාමාත්‍ය මහින්ද රාජපක්ෂ මහතා ඉදිරියේ විජේරාම පිහිටි නිල නිවසේදී අද 05 දින දිවුරුම් දුන්නේය.
හිටපු නගරාධිපති සම්පත් ළමාහේවා මහතාගේ ඉල්ලා අස්වීමෙන් පුරප්පාඩු වූ තනතුරට උපුල් දිසානායක මහතා පත්කෙරිණි.
1997 නාගරික මන්ත්‍රීවරයකු ලෙස සිය දේශපාලන දිවිය ආරම්භ කළ උපුල් දිසානායක මහතා මෙයට පෙර ද හපුතලේ නගරාධිපති ධූරය හොබවා තිබේ.
මෙම අවස්ථාවට රාජ්‍ය අමාත්‍ය තේනුක විදානගමගේ, පාර්ලිමේන්තු මන්ත්‍රී තිස්ස කුට්ටිආරච්චි, අග්‍රාමාත්‍ය ලේකම් ගාමිණී සෙනරත් මහත්වරුන් ඇතුලු ප්‍රාදේශීය දේශපාලනඥයෝ කිහිප දෙනෙක් එක්ව සිටියහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
