මහරගම සිරි වජිරඤාණ ධර්මායතනාධිපති අපවත් වී වදාළ අතිපූජ්‍ය අම්පිටියේ ශ්‍රී රාහුල නායක ස්වාමීන්ද්‍රයන් වහන්සේගේ ආදහන පූජෝත්සවයට ජනාධිපති ගෝඨාභය රාජපක්ෂ මැතිතුමා එක් විය.
ආදාහන පූජෝත්සවය ඊයේ (20) පස්වරුවේ කොළඹ හැව්ලොක් ටවුන්හි හෙන්රි පේද්‍රිස් ක්‍රීඩාංගනයේදී පැවැත්විණි.
ශ්‍රී ලංකා අමරපුර මහා නිකායේ උත්තරීතර මහා නායක අග්ගමහා පණ්ඩිත පූජ්‍ය කොටුගොඩ ධම්මාවාස නාහිමියන්ගේ ප්‍රධානත්වයෙන් මහා නායක හිමිවරුන්ගේ සහ අනුනානයක හිමිවරුන්ගේ සහභාගිත්වයෙන් පැවති ආදහන පුජෝත්සවයට අග්‍රාමාත්‍ය මහින්ද රාජපක්ෂ, කථානායක කරූ ජයසූරිය යන මහත්වරු සහ මැති ඇමතිවරු ඇතුළු පිරිසක් එක්ව සිටියහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
