පූජ්‍ය මාතර මහින්ද ස්වාමින් වහන්සේ අද දින ධර්ම දේශකයාණන් වහන්සේ වූහ. ජනාධිපති මන්දිර පරිශ්‍රයේ පිහිටි බෝධින් වහන්සේ අභියස මෙවන් දම්සභාවක් පැවැත්වුණු පළමු අවස්ථාව මෙය වීම ද විශේෂත්වයකි.
ජනාධිපතිතුමාගේ පසුගිය ජන්ම දිනය නිමිත්තෙන් එම බෝධින් වහන්සේ වටා අලංකාරවත් රන් වැටක් ද ඉදිකර පූජා කෙරුණු අතර, අටවිසි බුදුවරුන් පිටදුන් බෝධින් වහන්සේලා සමග අටවිසි බුද්ධ ප්‍රතිමා වහන්සේලා ද නිරාවරණය කිරීම සිදු කෙරිණි.
අද උදෑසන බෝධින් වහන්සේ අභියසට පැමිණි ජනාධිපතිතුමා ආගමික වතාවත්වල නිරතව ආශිර්වාද ලබා ගැනීමෙන් අනතුරුව ධර්ම දේශනය ශ්‍රවණය කිරීමට එක් විය.
ජයන්ති සිරිසේන මැතිනිය ද, මැති ඇමතිවරුන් රැසක් ද, ජනාධිපති ලේකම් උදය ආර්. සෙනෙවිරත්න මහතා ඇතුථ ජනාධිපති කාර්යාලයේ ජ්‍යෙෂ්ඨ නිලධාරින් සහ කාර්ය මණ්ඩලය ද දහම් පාසල් දරුවන් ඇතුථ විශාල පිරිසක් ධර්ම දේශනය ශ්‍රවණය කිරීමට එක්ව සිටියහ.
( ඡායාරූප : උදේශ් ගුණරත්න - ජනාධිපති මාධ්‍ය අංශය )
